amalsobhy的日记, 2023年09月23日

جميل يا امل بس خلى تلات وجبات فقط يعنى فطار غدا عشا او فطار سناك غدا ده هيخليكي تسيطري اكتر النشويات خليها فى وجبة وحدة من اليوم يا اما فطار يا اما غدا وبدلي بينهم خليها نشويات معقدة يعنى شوفان توست اسمر عيش بلدى بطاطس الحاجات دى هتديكي طاقه وفى نفس الوقت مش هتتخزن دهون زى الدقيق الابيض ولو مش مرضع حاولي تدخلي الصيام المتقطع ولو ١٢ ساعة بشكل مبدئي هيفرق معاكى  

ف الأول نحاول نسيطر على الجوع شوية عشان متلغبطيش وتملي ثبتي ٣ وجبات ف اليوم ومتاخديش سناك منفصل يعني ال سناك مع الوجبة نفسها ومتاكليش بين الوجبات وقفي اكل قبل ما تنامي بساعتين وافطري بعد ما تصحي بساعتين الفطار يكون فيه بروتين كويس عشان متجوعيش علطول بيض /جبنه قريش/ فول العشا برضو يكون فيه بروتين كويس الخضار مهم عشان العناصر الغذائية الأساسية والفيتامينات متعمليش عجز سعرات كبير واحدة واحدة كده وركزي ف نوعية الأكل والتحكم ف عدد مرات رفع سكر الدم "مهم بتاكلي كارب كام مرة أكتر من بتاكلي كمية قد إيه" كل حاجة بتيجي بالتدريج  

معلش فتره وتعدي قللي تدريجي الاسناكات بتجوع اكتر ضميها لوقت الوجبات قبل او بعد زودي بروتين هيحسسك بالشبع اكتر ويقلل رغبة الحلويات ولو عامله حلو دايت زي الكيكه الي اخدتيها سناك يفضل ضمن وجبه متكامله تحليه للوجبه حاولي تعملي صيام متقطع بالتدريج سوائل كتير حركه ولو قليله لكن دائمه  

شكرا ليكوا بجد بس لو جوعت بين الوجبات اعمل ايه وحكايه السعرات دي مشيت بيها بس زهقت من كل شويه اوزن واحسب ساعات ماشيه بطريقه الحصص ف النشويات بس وساعات ازود لو جعانه وفعلا باكل عيش بلدي قليل اوي لو ابيض بي بصراحه اكتر الوقت بفطر مع حمايا فباكل طعميه من بره دي كمان حاجه مزعلاني