لو على يوم او اتنين من فترة للتانيه مش مشكلة
بس في حاجات كتير جسمك محتاجها من الأكل بروتين ومعادن وأملاح وفيتامينات من غيرهم هيتعب أكتر وهتصدعي ونفسيتك حتى مش هتبقى أحسن حاجة
ف ركزي انك تاكلي نضيف عالاقل وتاخدي نسبة بروتين مناسبة لوزنك وتدخلي خضار كويس ف أكلك بشكل يومي
زودي سعراتك بمكسرات وفاكهه كده يعني
2021年09月23日 会员:: Asmaa_yosri
|
بصي نوعي ف الاكل بتاعك ومتمنعيش النشويات انتي بس تقلليها لان جسمك محتاج بروتين وفيتامينات ونشويات ودهون صحيه وركزي ع الصحيه دي هوا لو على اد اليوم ده ماشي بس مش كل يوم لان هتتعبي جدا امشي على نظام صحي متوازن
2021年09月23日 会员:: amira el asmer
|
اقل حاجة للسعرات اللي داخلة الجسم مفروض في حدود ١٢٠٠ غير كده جسمك هيدخل في مجاعة و مجرد ماتزودي سعراتك هيخزن الاكل لأنه دخل في مجاعة
نصيحة احسبي انتي محتاجة بالنسبة لطولك ووزنك كام سعرة واخصمي منهم حوالي ٥٠٠ سعرة فمثلا لو محتاجة ١٨٠٠ كُلي في حدود ١٣٠٠ وركزي على البروتين والخضار والفاكهة وقللي النشويات ونوعي في الاكل عشان جسمك يدخله كل حاجة وتخسي خسسان صحي
|
اتأكدي أنك مدخلة بيانات الأكل صح، لأنه ممكن يكون الغلط في الحساب والسعرات اكتر من كدة.
وبالذات لو انت مش عندك ميزان، فغالبا الحساب مش دقيق اوي...
خدي بالك من السعرات المضافة للأكل، مثلا الخضار المطبوخ حطيت عليه بصل وطماطم وزيت بسيط، ده سعرات.
اللحوم مثلا حطيت عليها فلفل وبصل وتوم ورشة زيت.
كل دي سعرات ممكن تكوني اخدتها من غير حساب.
لو واثقة من حسابك زودي البروتين والدهون الصحية والخضار.
2021年09月23日 会员:: esraa95mansour
|
هديك مثال بسيط يوضح قصدي.
الملوخية عادة سعراتها قليلة جدا 32 لكل 100 جرام.
بس احنا بنحط عليها شوربة 200 ملي مثلا ب 70 سعر.
وبنحط توم
وممكن نشوح التوم في نقطة زيت.
يبقى الإجمالي بتاع السعرات هيبقى في حدود 100 سعر ل 130 حسب كمية الزيت أو السمن اللي هنشوح فيها التوم.
ولو اتعملت بمرقة فورية السعرات ممكن توصل للنص.
لكن اكيد الشوربة صحية اكتر.
مثال تاني : البرتقال كنت بختار في حسابه انه البرتقال حجمه وسط، لما وزنته بعد كدة لاقته 200 جرام يعني سعرات 2 برتقالة وسط.
2021年09月23日 会员:: esraa95mansour
|
aAsmaa انا مش بجوع مع الاسف ف مش بعرف اكل بس هحاول حاضر
2021年09月23日 会员:: esraa yasser 1994
|
amira انا فعلا بمنع النشويات خالص و بتعب و بصدع جدا
2021年09月23日 会员:: esraa yasser 1994
|
esraa انا اليوم ده حسباه صح لان انا مأخدتش اي اكل فيه حاجه انا مأكلتش غير بيض مسلوق و جبنه قريش و بس
2021年09月23日 会员:: esraa yasser 1994
|
كدة زودي خضار وثمرة فاكهة، ودهون صحية زي زيت الزيتون مثلا...
2021年09月23日 会员:: esraa95mansour
|
قلة الاكل مش هتخسسك قلة الاكل هتضعف صحتك ومتمنعيش حاجة كلي بكميات مناسبة لوزنك قللي نشويات متمنعيش خالص كلي فاكهة بشرتك محتاجة فيتامينات ومعادن كدة انتي هتتعبي ومش هتستفيدي خسي على مهلك بنظام صحي افضل من نظام التجويع دة وربنا معاكي إن شاء الله
2021年09月23日 会员:: SaHar M Ali
|
Sahar ماشي والله هحاول ربنا يخليكوا يارب 😍
2021年09月23日 会员:: esraa yasser 1994
|