esraa yasser 1994的日记, 2021年09月6日

يعني هو متعب ولا كويس  

انا بالنسبه ليا نظام الكيتو اكتر نظام خسيت عليه ولكن لما بطلت تخنت تاني بس لسه رجعاله اهو ويارب اخس اللي انا تخنته تاني 

انا ماشي كيتو من 3 شهور مش هتحسي بالجوع بيخسس اول شهر السوائل المحبوسة في الجسم فبتلاقي كيلوات كتيرة نزلت بسرعة في الاول بعدين ممكن تنزلي من 1 ل 2 كيلو في الاسبوع وأهم حاجة تحسبي الكالوري اللي في اكلك وماتزيدش عن 1000 سعرة في اليوم وخليكي على وجبتين فطار وغدا بدون سناكات ومكسرات هتفرق معاكي عن تجربة خدي مكملات فيتامين d و ماغنيزيوم و c و أوميغا 3 وشاي رويال ده ضروري للامساك مرة في اليوم امشي كيتو 3 شهور وبعديها كملي لو كارب وان شاء الله هتحسي بالفرق جامد وماتزهقيش وبالتوفيق ان شاء الله واتمنى ماكنش نسيت حاجة ولو نسيت حاجة فكروني ولكم الشكر  

يعني هو أفضل ابدأ بيه ولا اعمل الدايت العادي اللي هو اكل كل حاجه صحيه مع تقليل الكميات 

بصي يا إسراء انا ما عملتش كيتو، وعملت نظام غذائي معتمد على السعرات مع نوعية الأكل يعني السكر والدقيق الأبيض ممنوع. ممكن شوفان أو دقيق قمح كامل. يعني باحاول اختار النوعية الدهون الصحية الكارب المعقد والخضار والفاكهة قليل السكر والسعرات. مشكله الكيتو انه اي اكلة بسيطة ممنوع كفيلة تضيع جهد اسبوع، لكن النظام العادي، لو كلت حاجة ممنوعة هتنزلي مثلا نصف كيلو بدل كيلو. الكيتو حلو لواحد عايز يخس 50 كيلو مثلا، فينجز معاهفي الوقت.  

طيب تمام متشكره اوي يا اسراء وانا فعلا مكنتش مقتنعه بيه اوي و هعمل زيك و هبدأ دايت متوازن ان شاءالله ❤🤗 

انا عاملة بقالى شهر من تجربتى معاه ...فعال جدا فى حالتين اتنين بس لو فيه مشكلة صحية زى السكر ومقاومة الانسولين او فى حالة الوزن الزائد اوى 30 و40 و50 كيلو .. لانه بيجيب نتيجة كويسة فى فترة معقولة تقريبا بمعدل 10 كيلو فى شهر او شهر نص ... وهم ميزة فى الكيتو هو نحت الجسم وده عن تجربة رهيب ... نتيجة تجنن لما الكيتو بيتعمل صح والجسم بيبدأ يشتغل بالكيتونات بتحسى بتغير رهيب فى شكل الجسم وديه الميزة اللى بتخلى ناس كتير بتتجه للكيتو ثانيا لو الحالة الاولى فالعلاج هو كيتو مافيش جدال لان الكيتو بيظبط السكر وبيقلل مقاومة الانسولين ويعدل الظغط نتيجة عدم استهلاك اى نشويات او سكر نهائى اما بالنسبة للعيوب الصراحة الكيتو خطر لانك مبتديش الجسم احتياجه من المعادن والفيتامينات لانك بتمنعى الفاكهة واغلب الخضار فبتضطرى انك تاخدى مكملات غذائية دهىبالاضافة لانه مرهق ومتعب جداااا فى اول اسبوع لحد الجسم مايتعود على حرمانه من النشويات والسكر حاجة كده اشبه باعراض الانسحاب فى الادمان بجد مش هزار تعب بجد اكتر عيب مزعج جدااااااا فى الكيتو ان اقل لخبطة حتى لو مش مقصودة يعنى اخدتى نسبة كارب اعلى بحاجة بسيطة او قللتى مسبة الدهون يضيع مجهود اسبوع كامل ونقطة ومن اول السطر تبتدى من جديد عيب كمان الكيتو لما تبطليه زى الادوية النفسية بالظبط لازم تبطليه بالتدريج البطئ ياما بترجعى تزيدى على الاقل ربع او نص اللى خسرتيه من الوزن الكيتو نظام اكستريم ولازم يتمشى عليهربحذافيره وتخرجى منه بمنتهى الحذر ياما تزيدى فى الوزن .....فكرة حرمان الجسم مش صح بس للأسف ايه اللى رماك على الكيتو ، مقاومة الانسولين الخلاصة الكيتو طريقة صحية فعالة لعلاج السكر ومقاومة الانسولين والسمنة الزائدة (اكتر من 15 كيلو ) لكن عن تجربة مجازفة ومغامرة مينفعش معاه غير الالتزام لو هتمشى على الكيتو لانك محتاجاه يعنى بعد الشر عندك حاجة من اللى قولت عليهم يبقى لازم تلتزمى بالكيتو لمدة معينة من شهرين ل تلاتة وبعدين شهر تثبيت وشهر خروج امن من الكيتو بالتدريج يعنى كيتو ثم لو كارب ثم ميديام كارب .