بسمه بكر的日记, 2021年06月19日

فيه انظمه كتير لدايت بس المهم النظام اللي انتي هتقدري تستمري عليه زي نظام الحصص ودا بيكون ليكي حصه من كل حاجه حصة معينه من البروتين وحصه معينه من نشويات والفاكهة والدهون والسكر والخضار دا حسب وزنك وممكن تعملي صيام متقطع تصومي ١٦ ساعه بما فيهم النوم وتفطري ٨ ساعات بمعنى ف ال١٦ ساعه هتشربي مايه وقهوه وشاي واعشاب بس المهم من غير سكر ولبن وفترة الفطار اللي هي ٨ ساعات ممكن تاخدي وجبتين ووجبه اسناك ما بينهم مع الرياضة الدنيا هتظبط معاكي انا ماشيه كده اها مبوزنش بس مركزه ع المقاسات وفرق جدا 

ازيك يابسمه وحشتينا ياقمر 🌹 🌹 ابدئي تدريجي يابسمه اهم حاجه تبطليها السكر والسكريات وفي بدائل صحيه كتير ودرجي نظام اللوكارب انتي تقريبا كنتي بتمشي عليه بس مستمرتيش جربيه مع الصيام المتقطع بالتدريج واقرأي عنه كويس علشان تطبقيه صح ربنا يوفقك 💪 💪 استعيني بالله وابدئي متأجليش وخلي محيطك في اكل صحي متوفر دايما ومتخليش مغريات حوليكي ودي نقطه مهمه للبدايه وعن تجربه بتفرق جدا 💪 

بصي عشان متمليش خدي لبموضوع بالراحة خالص وهتتفاجئي ينفسك بعد فترة حتى لو الفت ة كبيرة في انظمة كتير سواء تحسبي سعرات على مدار اليوم او صيام متقطع او كيتو اقري وجربي شوفي هترتاحي ف ايه بالنسبالي ارتاحت ف الصيام المتقطع .. حطي ف دماغك انك بتعملي كدة عشان صحتك والله حرام اللي بنعمله ف ركبنا ورجلينا وصحتنا ده 🙆🏾‍♀️.. انا لما نزلت نزلت تقريبا ف سنة - هو رجعت زدت تاني بس اهو بنحاول والله المستعان- وكنت ماشي بالراحة سيكا فمتعبتش أوي .. وان شاء الله هتخسي شدي حيلك انا كنت 105 اول حاجة استعيني بالله كدة وابدأي حاولي تمشي ساعة عشان غلطتي اني نزلت بدايت بس من غير رياضة ندمت جدا . 

ادعولي ادعولي كتير لان نفسيتي بقت وحشه اوي و محدش حواليا بيساعدني 

ربنا يوفقك ويقويكي محدش هيساعدك الا نفسك في الموضوع ده عن تجربه بجد الناس محبطه حولينا ربنا ييسرلك امورك ويفرج عنك يابسمه 🌹 🌹 🌹  

ربنا يوفقك ان شاء الله انا كنت 122 كيلو ونزلت الى 78 كيلو والحمد لله