انا كمان عايز اقول لكم انا خسيت ازاى بدون تعب او حرمان من اى اكل
1. انا ماستخدمتش كيتو او قارطاى
2. بطلت السكر قبل ما ابدا اى حاجة و خسيت 3 كيلو على الرغم من كمية الاكل اللى كنت بأكلها ( يعنى مجرد انى بطلت السكر و مشتقاته يعنى شوكولاته و جاتوهات و بسبوسة و بيبسى و عصائر بسكر وزنى نزل 3 كيلو )
3. لما نزلت 3 كيلو اتشجعت و بدات اظبط الاكل و انى ماخدتش اكتر من 1500 سعر فى اليوم . و كنت باكل كل حاجة محشى و باشميل و مكرونة و لكن بشرط متزدش عن 1500 سعر يوميا
4. و علشان احسب السعرات استخدمت برنامج ماى فيتنس بال و اشتريت ميزان مطبخ
5. بدات مع تظبيط الاكل العب تمارين كارديو .
6. باشرب ماء كتير
7. قبل التمرين باشرب قهوة . بتساعد على الحرق
8. مؤخرا بدات اشيل حديد علشان يذود الحرق . الاوزان متوسطة يعنى اقصى حاجة اقدر اشيلها
9. اليوم الفرى بتاعى مباعديش ال 1600 او 1700 سعر
انا وزنى قبل ما ابطل السكر ( فى البداية خالص ) كان 115 و دلوقتى 94 و التارجت بتاعى 80 ان شاء الله
كنت بالبس بنطلونات مقاس 40 و دلوقتى 36 واسع شوية عليا
كنت بالبس تيشيرتات مقاس 2 اكس لارج و دلوقتى فى الطريق انى البس لارج بعد شهر ان شاء الله .
.. انا مش خبير فى التغذية و لكن ده اللى حصل معايا و مش شرط انه ينفع مع اى حد
.. استفدت جدا من صفحة سفاح الفات